ഫൊക്കാനാ കേരളാ കണ്‍വെന്‍ഷന്‍ സമാപന സമ്മേളനം രമേശ് ചെന്നിത്തല ഉദ്ഘാടനം ചെയ്യും

ഫൊക്കാനാ കേരളാ കണ്‍വെന്‍ഷന്‍ 2015 സമാപന സമ്മേളനം കേരളാ ആഭ്യന്തരമന്ത്രി രമേശ് ചെന്നിത്തല ഉദ്ഘാടനം ചെയ്യുമെന്ന് ഫൊക്കാനാ പ്രസിഡന്റ് ജോണ്‍ പി. ജോണ്‍ ഇമലയാളിയോട് പറഞ്ഞു. മന്ത്രിമാരായ തിരുവഞ്ചൂര്‍ രാധാകൃഷ്ണന്‍, വി.എസ്. ശിവകുമാര്‍ എന്നിവര്‍ മുഖ്യാതിഥികളായിരിക്കും.

ജനുവരി 24-ന് കോട്ടയം അര്‍ക്കാഡിയ ഹോട്ടലിലാണ് ഈവര്‍ഷത്തെ ഫൊക്കാനാ കേരളാ കണ്‍വന്‍ഷന്‍ നടക്കുക. രാവിലെ ജോസ് കെ. മാണി എം.പി ഉദ്ഘാടനം ചെയ്യുന്ന കണ്‍വെന്‍ഷനില്‍ മാധ്യമ സെമിനാര്‍, സാഹിത്യ സമ്മേളനം, ബിസിനസ് സെമിനാര്‍, മെഡിക്കല്‍ സെമിനാര്‍ തുടങ്ങിയ നിരവധി സെഷനുകളുണ്ട്.

വൈകിട്ട് 5.30-ന് നടക്കുന്ന സമാപന സമ്മേളനത്തില്‍ രാഷ്ടീയ-സാമൂഹ്യ-സാംസ്കാരിക രംഗത്തെ പ്രഗത്ഭരാണ് പങ്കെടുക്കുക. ആഭ്യന്തര മന്ത്രി രമേശ് ചെന്നിത്തല, വനം-സ്‌പോര്‍ട്‌സ് വകുപ്പ് മന്ത്രി തിരുവഞ്ചൂര്‍ രാധാകൃഷ്ണന്‍, ആരോഗ്യവകുപ്പ് മന്ത്രി വി.എസ് ശിവകുമാര്‍, ഭക്ഷ്യവകുപ്പ് മന്ത്രി അനൂപ് ജേക്കബ്, എന്‍.കെ. പ്രേമചന്ദ്രന്‍ എം.പി, എം.എല്‍.എമാരായ രാജു ഏബ്രഹാം, സുരേഷ് കുറുപ്പ്, പി.സി. വിഷ്ണുനാഥ് എന്നിവര്‍ ആശംസകള്‍ അര്‍പ്പിക്കും.

 

 Payday Loans Direct Lender Only

Other News