Blog

ഫ്രാൻസിസ് തടത്തിൽ

കേരള സർക്കാരിന്റെ ‘മലയാളം മിഷൻ’, ഏഷ്യാനെറ്റ് ന്യൂസിന്റെ ഭാഗമായ ‘ മലയാളം എന്റെ മലയാളം’, ടെക്സാസ് യൂണിവേഴ്സിറ്റിയിലെ മലയാളം ഡിപ്പാർട്‌മെൻറ്റിന്റെ ഭാഗമായ ഭാഷാ വിപുലീകരണ വിഭാഗം തുടങ്ങിയവയുമായി യോജിച്ചാണ് ഫൊക്കാനയുടെ മലയാളം അക്കാഡമി പ്രവർത്തിക്കുന്നത്. കൂടാതെ ഫൊക്കാനയുടെ ആദ്യത്തെ സിഗ്നേച്ചർ പദ്ധതിയായ ഭാഷക്കൊരു ഡോളർ എന്ന പദ്ധതിയും മലയാളം അക്കാഡമിയിയുടെ ഭാഗമാണ്. പരിചയ സമ്പന്നരായ അധ്യാപകരുടെ കീഴിൽ അഞ്ച് ഘട്ടങ്ങളിലായാണ് പ്രവർത്തനം കേന്ദ്രീകരിച്ചിരിക്കുന്നത്.

പുതു തലമുറയിലെ ഓരോ മലയാളിക്കും അടിസ്ഥാനപരമായി മലയാള ഭാഷ പറയാനും എഴുതാനും വായിക്കാനും അവരെ സ്വയം പര്യാപ്തരാക്കുക എന്നതാണ് ഒന്നാം ഘട്ടം. വെർച്ച്വൽ ലേർണിംഗ് പരിപാടിയിലൂടയായിരിക്കും ഈ പദ്ധതി നടപ്പിലാക്കുക. അമേരിക്കയിലും കാനഡയിലുമുള്ള ഏതൊരാൾക്കും ഈ പരിപാടിയുടെ ഭാഗഭാക്കാകാം. ഈ ഘട്ടത്തിന്റെ  പ്രവർത്തന നേതൃത്വം നൽകുന്നത് (പ്രോഗ്രാം ഡയറക്ടർ) ജെസ്സി സെബാസ്റ്റ്യൻ (എം.എ, ബിഎഡ്, എം.ഫിൽ) ആണ്. കേരളത്തിൽ ഹയർ സെക്കണ്ടറി സ്കൂൾ അധ്യാപികയായിരുന്നു. ജേർണലിസത്തിൽ മാസ്റ്റേഴ്സ് ബിരുദം നേടിയിട്ടുണ്ട്.

ഘട്ടം രണ്ട്  : ഭാഷാപഠന ക്രമീകരണം 

മിഡിൽ സ്കൂൾ മുതൽ കുട്ടികൾക്ക് തങ്ങളുടെ മാതൃഭാഷ ഉപവിഷയമായി പഠിക്കാൻ സഹായകരമാകുന്ന വിധത്തിലുള്ള പഠന ക്രമീകരണം. ഈ പഠന പരിപാടിയിലൂടെ കോളേജ് പ്രവശനത്തിനു സഹായകരമാകുന്ന അഡിഷണൽ ക്രെഡൻഷ്യൽസ് ലഭ്യമാകും. മലയാളം ഐച്ഛിക വിഷമായി തുടർ പഠനം നടത്താൻ ആഗ്രഹമുള്ളവർക്ക് ഈ പഠന പദ്ധതിയിലൂടെ ലഭ്യമാകുന്ന അഡിഷണൽ ക്രെഡിറ്റ് പോയിന്റുകൾ ഉപയോഗിക്കാവുന്നതാണ്. ഭാഷയുടെ പരിജ്ഞാനത്തിനൊപ്പം തുടർവിദ്യാഭ്യാസത്തിന് സഹായകരമാകുന്ന തരത്തിൽ പോയിന്റുകൾ ലഭ്യമാക്കുന്നു എന്നതുമാണ് ഈ പദ്ധതിയുടെ പ്രത്യേകത. ഈ പരിപാടിയുടെ പ്രോഗ്രാം ഡയറക്ടർ ഡോ. ദർശന മനയത്ത് ശശി ആണ്. യൂണിവേഴ്സിറ്റി ഓഫ് ടെക്സസ് -ഓസ്റ്റിനിൽ മലയാളം വിഭാഗത്തിൽ അധ്യാപികയായി സേവനം ചെയ്യുന്നു.

കേരള സർക്കാരിന്റെ കീഴിലുള്ള മലയാളം ഭാഷാ മിഷനുമായി സഹകരിച്ചുകൊണ്ട് ആധുനിക രീതിയിൽ  മലയാളം ഭാഷ സായത്തമാകുന്നതിനുള്ള ഒരു പഠന ക്രമീകരണം. ഭാഷ മിഷന്റെ ഭാഗമായി പ്രത്യേകം തയാറാക്കിയ കരിക്കുലം പ്രകാരം മലയാള ഭാഷ കൂടുതൽ ആളുകളിലേക്ക് എത്തിക്കുകയാണ് ഈ പദ്ധതിയുടെ ലക്ഷ്യം. ഈ പദ്ധിതി പ്രകാരം സിറ്റിമാറ്റിക്ക് ആയി മലയാളം ഭാഷയിൽ കൂടുതൽ  പ്രാവിണ്യം നേടുവാൻ സഹായകരമാക്കുന്നു. ഈ പരിപാടിയുടെ പ്രോഗ്രാം ഡയറക്ടർ:നിഷ ഏഴാച്ചേരിയാണ്. കേരള സർക്കാരിന്റെ മലയാളം മിഷൻ പ്രോഗ്രാം ഡയറക്ടർകൂടിയാണ് നിഷ എഴാച്ചേരി. ചരിത്രത്തിൽ ബിരുദവും മലയാളത്തിലും ജേര്ണലിസത്തിലും ബിരുദാന്തര ബിരുദവും നേടിയിട്ടുണ്ട്. കൈരളി ടി വി, ഏഷ്യാനെറ്റ് , സൂര്യാ ടി. വി. എന്നി ചാനലുകളിൽ ന്യൂസ് ആങ്കർ ആയിരുന്നു.

ഏഷ്യാനെറ്റ് ന്യൂസിന്റെ മലയാളം എന്റെ മലയാളം എന്ന  എന്നിവയുമായി ചേർന്ന് വിപുലമായ പ്രവർത്തങ്ങൾ. ഈ പരിപാടിയുടെ പ്രോഗ്രാം ഡയറക്ടർ സജ്‌ന നിഷാദ്.ആണ്. റ്റാമ്പായിൽ ഐ.ടി പ്രൊഫഷണൽ ആയ സജ്‌ന ഇൻഫർമേഷൻ ടെക്നോളജിയിൽ മാസ്റ്റേഴ്സ് ബിരുദവും നേടിയിട്ടുണ്ട്. മിയാമിയിൽ നിന്നുള്ള അനു അവിനാഷ് ആണ് സഹ പ്രോഗ്രാം കോർഡിനേറ്റർ.

മാതൃഭാഷ ഐച്ഛിക വിഷയമായെടുത്ത് പഠിക്കുന്നതിന് സര്വകലാശാലബന്ധിതമായ പ്രവർത്തനം. ഓസ്റ്റിൻ ടെക്സസ് യൂണിവേഴ്സിറ്റിയുമായി ചേർന്ന് മലയാള ഭാഷയിൽ ഉന്നത വിദ്യാഭ്യാസം നേടുന്നത്തിനുള്ള പരിശീലനവും ഗൈഡൻസും ഈ പ്രോഗ്രാമിയിലൂടെ ലഭ്യമാകും.

ഡോ. ദർശന മനയത്ത് ശശിയാണ് പ്രോഗ്രാം ഡയറക്ടർ (ലെച്ചററർ ആൻഡ് ലാംഗ്വേജ് – യൂണിവേഴ്സിറ്റി ഓഫ് ടെക്സസ് -ഓസ്റ്റിൻ).

പ്രോഗ്രാമിന്റെ കൂടുതൽ വിവരങ്ങൾക്ക് പ്രോഗ്രാം എക്സിക്യൂട്ടീവ് കോർഡിനേറ്റർ സണ്ണി മറ്റമനയുമായി ബന്ധപ്പെടേണ്ടതാണ്. ഫോൺ: 813-334-1293.

ഫൊക്കാന മലയാളം അക്കാഡമിയുടെ നടത്തിപ്പിനായി ഡയറക്ടർ  ബോർഡും രൂപീകരിച്ചിട്ടുണ്ട്. ഡയറക്ടർ ബോർഡ് മെമ്പർമാർ:സണ്ണി മറ്റമന ( ചീഫ് പ്രോഗ്രാം കോർഡിനേറ്റർ ആൻഡ് ഫൊക്കാന ട്രഷറർ), ജോർജി വർഗീസ് ( ഫൊക്കാന പ്രസിഡണ്ട്), ഡോ.സജിമോൻ ആന്റണി (ഫൊക്കാന ജനറൽ സെക്രെട്ടറി), ഡോ. മാത്യു വർഗീസ് (ഫൊക്കാന അഡിഷണൽ സെക്രട്ടറി), ട്രസ്റ്റി ബോർഡ് ചെയർമാൻ ഫിലിപ്പോസ് ഫിലിപ്പ് , സോണി അമ്പൂക്കൻ ( ഫൊക്കാന നാഷണൽ കമ്മിറ്റി മെമ്പർ), ജോൺസൺ തങ്കച്ചൻ (ഫൊക്കാന നാഷണൽ കമ്മിറ്റി മെമ്പർ), ഫിലിപ്പ് കറുകപ്പറമ്പിൽ.

ഫൊക്കാനയുടെ മലയാളം  അക്കാഡമിയുടെയും ഔപചാരിക ഉദ്ഘാടനം മാർച്ച് അവസാനത്തോടെ നടത്തുമെന്ന് ഫൊക്കാന പ്രസിഡണ്ട് ജോർജി വർഗീസ്, സെക്രെട്ടറി ഡോ. സജിമോൻ ആന്റണി, ട്രഷറർ സണ്ണി മറ്റമന ( ചീഫ് പ്രോഗ്രാം കോർഡിനേറ്റർ) എന്നിവർ അറിയിച്ചു.